ଖୋର୍ଦ୍ଧା ସ୍ଥିତ ପ୍ରାଣନାଥ ମହାବିଦ୍ୟାଳୟର ଇଲେକ୍ଟ୍ରୋନିସ୍ ବିଭାଗର ଅଧ୍ୟାପକ ଏବଂ ୫୦ ଜଣ ଛାତ୍ରଛାତ୍ରୀ ଷ୍ଟଡିଟୁର୍ ନିମନ୍ତେ ବ୍ରହ୍ମପୁର ଆସି ଆଜି ଅପରାହ୍ନରେ ଗୋଳାବନ୍ଧ ସନ୍ନିକଟ ଧବଳେଶ୍ଵର ବେଳାଭୂମି ବୁଲିବାକୁ ଆସିଥିଲେ। ମଧ୍ୟାହ୍ନ ପ୍ରାୟ ୧ ଘଣ୍ଟା ସମୟରେ ସେଠାରେ ଥିବା ଶିବ ମନ୍ଦିର ଦର୍ଶନ ନିମନ୍ତେ ସମସ୍ତ ବିଦ୍ୟାର୍ଥୀ ଅଧ୍ୟାପକ ଯାଇଥିବା ବେଳେ ୪/୫ ଜଣ ଛାତ୍ଜର ଅନ୍ୟ ମାନଙ୍କୁ ନଜଣାଇ ସମୁଦ୍ରରେ ଗାଧେଇବାକୁ ଚାଲି ଯାଇଥିଲେ । ଅସାବଧାନତା ଯୋଗୁଁ ସୋମନାଥ ପରିଡ଼ା ସମୁଦ୍ରରେ ଭାସି ଯାଇଥିଲେ । ସେଠାରେ ଥିବା ମତ୍ସ୍ୟଜୀବୀ ମାନେ ତାକୁ ଉଦ୍ଧାର କରିଥିଲେ । ସ୍ବାସ୍ଥ୍ୟ ଗୁରୁତର ଥିବାରୁ ତାକୁ ଆମ୍ବୁଲେନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲକୁ ନିଆ ଯାଇଥିଲା ।
ସେଠାରେ ଚିକିତ୍ସାଧିନ ଅବସ୍ଥାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ନେଇ ଇଲୋଟ୍ରିନିସ ବିଭାଗର କାର୍ଯ୍ୟରତ ଅଧ୍ୟାପକ ବନୋଜ କୁମାର ଦେହୁରୀ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପ୍ରକାରେ ପୋଲିସ ଅପମୃତ୍ୟୁ ମାମଲା ୧/୨୫ ମାମଲା ରୁଜ୍ଜୁ କରି ପୋଲିସ ତଦନ୍ତ କରୁଥିବା ଜଣାପଡ଼ିଛି । ଖବର ପାଇ ମୃତ ସୋମନାଥଙ୍କ ପରିବାର ଲୋକେ ମେଡିକାଲ୍ ରେ ପହଞ୍ଚିଥିବା ଜଣାପଡିଛି। ଆସନ୍ତା କାଲି ଶବ ବ୍ୟବଚ୍ଛେଦ ପରେ ପରିବାର ଙ୍କୁ ହସ୍ତାନ୍ତର କରାଯିବ ବୋଲି ପୋଲିସ୍ ସୂଚନା ଦେଇଚି।
ରିପୋର୍ଟର:ରାଜିବ ଲୋଚନ ମିଶ୍ର
0 Comments