ଦିଲ୍ଲୀ ସମେତ କଟକର ୪ ଅପହୃତ ଯୁବକ ଉଦ୍ଧାର।

ଆ.କ, ବ୍ରହ୍ମପୁର,୨୭/୦୧/୨୫:ପୋଲିସକୁ ଖୋଲା ଚାଲେଞ୍ଜ ଦେଇ   କିଛି ଅସାମାଜିକ ଯୁବକଙ୍କ ଏକ ଗୋଷ୍ଠୀ ୪ଜଣ ବ୍ୟକ୍ତିଙ୍କୁ  ଅପହରଣ କରି ରଖିଥିବା ବେଳେ ଅପହୃତ ଚାରି ଜଣ ବ୍ୟକ୍ତି କେ.ନୂଆଗାଁ ପୋଲିସ ଦ୍ୱାରା ରବିବାର ସକାଳୁ ଉଦ୍ଧାର ହୋଇଛନ୍ତି । ଅପହୃତଙ୍କ ମଧ୍ୟରୁ ୩ଜଣ କଟକ  ଅଞ୍ଚଳ ର ହୋଇଥିବାବେଳେ ଅନ୍ୟ ଜଣେ ଦିଲ୍ଲୀର ବୋଲି ଜଣାପଡିଛି । ୪ ଯୁବକଙ୍କୁ ବ୍ରହ୍ମପୁର ରୁ ଅପହରଣ କରାଯିବା ପରେ ଗୋଳନ୍ଥରା ଥାନା ଇଲାକାରେ ବନ୍ଧକ ରଖି ରଖାଯାଇଥିଲା।ଏହା ପରେ ଏମାନଙ୍କୁ   ଚିକିଟି ଗଡ଼ରେ ଏକ କୁଡ଼ିଆ ଘରେ ହାତଗୋଡ  ବାନ୍ଧି ଗତ ତିନିଦିନ ହେବା ରଖାଯାଇ ଅକଥନୀୟ ଅତ୍ୟାଚାର ଦିଆ ଯାଉଥିଲା ।ଅପହରଣ କରାଯାଇଥିବା ଯୁବକ ମାନଙ୍କୁ ଚିକିଟି ଗଡ଼ର ନୂତନ ପାତ୍ର ନାମକ ଜଣେ ବ୍ୟକ୍ତି ଙ୍କ ଘର ବାଡ଼ି ପଟେ ଏମାନଙ୍କୁ ବନ୍ଧକ ରଖାଯାଇଥିବା ବୋଲି ପୋଲିସ କହିଛି । ନିଜ ଘରର ପଛ ପଟର ଏକ କୁଡ଼ିଆ ଘରେ ରଖି କୋଟିଏ ଟଙ୍କା ଦାବି କରାଯାଇଥିବା ପୁଲିସ ତଦନ୍ତ ବେଳେ ଅପହୃତ ମାନେ ପ୍ରକାଶ କରିଥିବା ପୁଲିସ କହିଛି।

 ଅପହରଣକାରୀ ଚାରି ଜଣଙ୍କୁ ଅକଥନୀୟ ନିର୍ଯାତନା ଦେବା ସହ  ନାଗ ସାପ ଦେଖାଇ ମାରିଦେବାକୁ ଧମକ ଦେଇ ଡ଼ରାଉଥିଲେ । ବନ୍ଧକ ରହିଥିବା ଚାରି ଜଣଙ୍କ ମଧ୍ୟରୁ ଜଣେ ରବିବାର ଭୋର ସମୟରେ କୌଶଳ କ୍ରମେ ସେଠାରୁ ଖସି ଆସି ଚିକିଟି ତହସିଲ ଅଫିସ ଗ୍ରୀଲ ଡେଇଁ ଅଫିସ ମଧ୍ୟକୁ ପଶି ଯାଇଥିଲେ । ସେମାନଙ୍କୁ ଅପହରଣକାରୀ କବଳରୁ ରକ୍ଷା କରିବାକୁ ନେହୁରା ହେବା ସହ ସମସ୍ତ ଘଟଣା ବଖାଣି ଥିଲେ। ତହସିଲ ଅଫିସରେ ଥିବା ଡ୍ରାଇଭର ଏ ନେଇ ତହସିଲଦାର ଙ୍କୁ ଅବଗତ କରାଇଥିଲେ । ତହସିଲଦାର  ବିଶ୍ୱରଞ୍ଜନ କଂହର ଘଟଣା ନେଇ ତୁରନ୍ତ ପୁଲିସ କୁ ଅବଗତ କରାଇବା ସହ ପୁଲିସ ସହ ଘଟଣା ସ୍ଥଳରେ ପହଞ୍ଚି ଅନ୍ୟ ୩ଜଣଙ୍କୁ ଉଦ୍ଧାର କରି ସମସ୍ତଙ୍କୁ ଥାନାକୁ ଆଣି ପଚରାଉଚରା କରିଥିଲା ।

 ଅପହୃତଙ୍କ ମଧ୍ୟରେ ଦିଲ୍ଲୀର ବ୍ୟକ୍ତି ଜଣଙ୍କ ଏକ ବଡ଼ ଫାଇନାନ୍ସ କମ୍ପାନୀର ଏଜେଣ୍ଟ ରହିଥିବା ଜଣାପଡିଛି। କମ୍ପାନୀ କାର୍ଯ୍ୟ ନେଇ ଦିଲ୍ଲୀ ଯୁବକ ସହ କଟକର ୩ ଯୁବକ ତିନିଦିନ ତଳେ  ବ୍ରହ୍ମପୁର ଆସିଥିଲେ । ସେଠାରୁ ସେମାନଙ୍କୁ କୈଶଳ କ୍ରମେ ଅପହରଣ କରି ନିଆଯାଇଥିବା ପୋଲିସ କହିଛି । ଗୋଟିଏ ଦିନ ବ୍ରହ୍ମପୁର ଅଞ୍ଚଳରେ ରଖିବା ପରେ ଉକ୍ତ ୪ଜଣକୁ ଅପହରଣକାରୀ ମାନେ ଚିକିଟି ନୂତନ ପାତ୍ରଙ୍କ ବାଡ଼ି ପଛରେ ଥିବା କୁଡ଼ିଆ ଘରେ ବାନ୍ଧି ରଖାଯାଇଥିଲା । 

ପୋଲିସ ଦ୍ୱାରା ଉଦ୍ଧାର ପରେ ଅପହର୍ତ୍ତାମାନେ ନିଜର ଦୁଃଖ ପୋଲିସ ଆଗରେ କହିଛନ୍ତି । ସେମାନଙ୍କୁ ମାଡ଼ ମରାଯିବା ସହ ଏକ ବିଷାକ୍ତ ନାଗ ସାପ ସେମାନଙ୍କ ମୁହ ପାଖକୁ ଆଣି ଟଙ୍କା ନ ଦେଲେ ମରିବ ବୋଲି ଡ଼ରେଇ ଧମକ ଦିଆଯାଉଥିଲା ।  ଚିକିଟି ତହସିଲଦାର ବିଶ୍ୱରଞ୍ଜନ କଂହର, ଚିକିଟି ଏସଡିପିଓ ବିଶ୍ଵାମିତ୍ର ହରପାଲ, କେ.ନୂଆଗାଁ ଥାନା ଆଇଆଇସି କିଶୋର ସାମଲ ପ୍ରମୁଖ ଚଢ଼ାଉ ରେ ସାମିଲ ରହିଥିଲେ। ପୁଲିସ ପକ୍ଷରୁ ଘଟଣା ନେଇ ତଦନ୍ତ ଜାରି ରଖିଛି l

ରିପୋର୍ଟର:ରାଜିବ ଲୋଚନ ମିଶ୍ର